Biotechnology تكنولوجيا حيوية (2)
كلمة تكنولوجيا حيوية هى ترجمة لمصطلح Biotechnology أى استخدام تطبيقات تكنولوجية حديثة فى معالجة الكائنات الحية ..
تعريفها فى المجمل هو :
التعامل مع الكائنات الحية (كائنات دقيقة - نباتات - حيوانات- البشر نفسهم ) على المستوى الخلوى و تحت الخلوى من أجل تحقيق أقصى استفادة منها صناعيًا و زراعيًا و بالتالى إقتصاديًا وذلك عن طريق تحسين خواصها وصفاتها الوراثية ((وهذا الكلام بالنسبة لكل الكائنات الحية عادا الانسان لأن الوضع يختلف نسبيًا بالنسبة للبشر لأنهم المستفيدون و ليس المستفاد منهم))..
مجال الدراسة يركز على الاهتمام بالجانب الجينومى للكائن،و على طرق و تقنيات نقل الجينات من كائن إلى أخر لتعديل صفة ما أو تحسين عيب ..
التكنولوجيا الحيوية لديها العديد من التطبيقات أذكر منها هنا على سبيل الذكر لا الحصر:
1- بالنسبة للبشر
أهم الأمثلة على الإطلاق فى رأيى
-Gene therapy
أى معالجة الأمراض الوراثية فى البشر باستخدام التكنولوجيا الحيوية فى نقل و تعديل الجينات..
-إمكانية زرع أعضاء جديدة باستخدام المحتوى الوراثي لخلية المريض بدلا من أن أنقل له عضو من متبرع أو من ميت..
-التعامل فى قضايا اثبات النسب و فى الحوادث و الجرائم بالطب الشرعى بوحدات الDNA و كذلك فحوصات ما قبل الزواج لمعرفة إحتمالية الإصابة بالأمراض فى الأجيال القادمة..
2- الكائنات الدقيقة
تستخدم الكائنات الدقيقة (خاصة البكتريا و الفيروسات) على نطاق واسع فى مشروعات تكنولوجية حيوية على سبيل المثال:
-استخدام الكائن الدقيق كناقل لبعض الجينات المرغوبة ،و قد فتحت هذه التقنية العديد من الأبواب أمام أحلام و تصورات العلماء فى الماضى..
-إنتاج الانسولين البشرى كمثال (humo insulin)
-استخدام البكتريا كأسمدة الحيوية(bio fertilizers) بدلاً من استخدام الاسمدة الكيماوية الضارة..
-استخدامها فى تنقية المياة..
-التخلص من المخلفات العضوية..
-تصنيع المركبات الكيميائية كالمضادات الحيوية المستخدمة فى العقاقير..
3-النباتات
على الصعيد الزراعى ،فتح مجال التكنولوجيا الحيوية أفاقًا واسعة جداً فى الإنتاج النباتى..
-إمكانية نقل جينات بعض الصفات المرغوبة (مثل تحمل درجة الحرارة و نقص المياه من نباتات صحراوية) إلى نباتات أخرى..
-التحكم فى أحجام و أشكال الثمار و النباتات بشكل عام (زيادة الحجم و تغيير اللون و الشكل حسب الرغبة)...
-إمكانية رفع القيمة الغذائية لمحصول ما بإضافة بعد الصفات الوراثية من محاصيل أخرى ..
-مضاعفة كميات المحاصيل الناتجة و إختزال الوقت اللازم للنمو وبالتالى المساعدة على القضاء على المجاعات و ارتفاع أسعار الغذاء..
-إنتاج الوقود الحيوى (bio fuel) فهم يستخدمون قش الأرز لإنتاج الوقود بينما نحن نقوم بحرقه هنا..
------------------------------------
هذا مجرد تلخيص بسيط للموضوع ، و لم أتطرق إلى مجالات مستحيلة للتكنولوجيا الحيوية كالاستنساخ و الأسلحة البيولوجية فقط اخترت ما يهمنا ..
وأتمنى أن ألقى به الضوء على هذا المجال الهام و خاصة فى دول فقيرة نامية تقتات غذائها بالمليارات من الخارج و تتسوله أحيانًا مثل دولنا..
يبدو الموضوع ضربًا من ضروب الخيال العلمى و قصص الأطفال لكنه واقعى جداً فى العديد من الدول الآن..
فقد قيل لى من معلميّ أن بعض ما ذكرت من تقنيات يسهل تطبيقه فى أى مكان و بأي إمكانيات فى مصر..
لكن للأسف الشديد ينقصنا هنا أن نبدأ بنزع ثوب الكسل و النمطية و اللهث وراء الغرب لنشحذ مأكلنا و مشربنا ..
و أن نلقى الضوء على مثل تلك المجالات الوليدة قليلاً..
لا أعتقد أن هذا وشيك الحدوث فى بلد روتينى نمطى التفكيربطيىء التغيير كمصر ، وفى مجتمع كمجتمعنا لا يفهم معنى كلمة "التكامل " ولا يقبل بأن يلحق أبنائه بتلك الكليات خائبة الرجاء فاقدة الاهلية مثل التكنولوجيا الحيوية و التمريض و الزراعة والفنون الجميلة مفضلاً عليها مدرسة الطب والمهندس خانة و مدرسة المعلمين ذوات السمعة الجيدة منذ أيام جامعة فاروق الأول حتى نخرج المزيد من الأطباء و المهندسين و المدرسين و فقط ..
ولكن كما أقول دائمًا :
لعل الله يحدث أمراً..
لعل و عسى ..
------------------------
http://en.wikipedia.org/wiki/List_of_biotechnology_articles
مجموعة من المقالات عن التكنولوجيا الحيوية
http://en.wikipedia.org/wiki/List_of_biotechnology_companies
قائمة بأكبر 100 شركة تكنولوجيا حيوية فى العالم
تعليقات
وانا تقريبا كنت متخيلها حاجة زي كده
لكن فعلا وانا بقرا حسيت ان الكلام ده ملوش علاقة ببلد زي بلدنا دي خالص
ولقيتك بالفعل قايلة كده
بس انا كنت عايز اعرف تقريبا عدد الدارسين للمجال ده كام واحد؟
و الله يا عمرو مش عارفة ان كنت هكتب حاجة تانى ولا لا..احتمال اكتب بس قدام شوية.. لان اصلا معنديش انترنت ..
فيك تحكى اللى بدك اياه هلأ..
الآم و احلام:
اللى انا قلته ده اصلا ذرة من كل شيء
انا غامرت و دخلته و متفائلة خير بس تقريبا مش جوة مصر بقى و مش عارفة احنا هنفضل متخلفين لامتى..
الكليات فى مصر فى اربع جامعات (القاهرة و الالمانية و جامعة مصر الحديثة للعلوم و الاداب و جامعة مصر للعلوم و التكنولوجيا)
و تقريبا عدد الطلبة ما يكملش 500 على ما اعتقد..
زر مدونتى وعلق قد تفيد او تستفيد
-----
وليه البشر ما يتمش الاستفادة منهم هما كمان ويتم تحسين خواصهم وصفاتهم الوراثية؟؟؟؟
=========
==========
-استخدام الكائن الدقيق كناقل لبعض الجينات المرغوبة ،و قد فتحت هذه التقنية العديد من الأبواب أمام أحلام و تصورات العلماء فى الماضى..
-إنتاج الانسولين البشرى كمثال (humo insulin)
-استخدام البكتريا كأسمدة الحيوية(bio fertilizers) بدلاً من استخدام الاسمدة الكيماوية الضارة..
-استخدامها فى تنقية المياة..
-التخلص من المخلفات العضوية..
-تصنيع المركبات الكيميائية كالمضادات الحيوية المستخدمة فى العقاقير..
-----
ازاى !
وانت طيب و بصحة وسلامة
و الله لما اعرف ادخل مدونتى الاول :(
-------
عمرو فكرى:
عارف ليه قلت ان البشر مستفيدين وليس مستفاد منهم؟
عشان البشر هما اللى بيستخدموا الكائنات الدقيقة و النبات و الحيوان و يعدلوا فيهم لمصلحتهم الخاصة..
احنا اللى متحكمين فى كل دول عشان ناكل و نشرب و نتعالج باستخدام الكائنات دى حتى لو حصل فينا تعديلات هيبقى من بشر زينا برضه مش من حاجة تانية..
عشان مش هينفع منطقيا ان البكتريا او الحيوانات تستخدمك انت كوسيلة لتطوير حياتها :D
-----------
ازاى دى بقى يطول شرحها فى مادة بحالها عندى الترم ده اسمها Microbial Genetics أى علم الجينات الخاص بالكائنات الدقيقة..
بس باذن الله الانترنت يرجع و اشرح لكم الافكار الاساسية المبسطة للحاجات اللى بتسأل عليها دى..
على فكرة انا كاتبة الرد ده من زمان و كاتبه الجزء التالت بس مش عارفة انزله اصلا من بطىء الديال أب !
انا عاذرك .. كنت هاقولك ع الفيس بوك امبارح مع الرسالة التانية بس افتكرت موضوع الديال اب وقلت بلاش اقولها عشان حتى ما تضيعش وقت اضافى فى الرد على الكلام
اما بالنسبة لموضوع انسان/بكتيريا - بكتيريا/انسان
ليه مش الانسان هو اللى يستفيد لصالح الانسان ويعدل ويطور ف نفسه huh
ولا حرام زى الاستنساخ؟ huh
وبراحتك ابقى ردى ع الكلام ده ف الوقت اللى يريحك
بس مش اوى يعنى ^_^
لكن هل في تصنيع جينات ؟
مش بتكلم عن تجميع.. لا, أقصد تصنيع
تصنيع جين مثلا موجود زيه في الطبيعة و بعدين تصنيع جين مش موجود أصلا
يعني نخترع خصائص جديدة خالص
هل دة ممكن ؟ ولو نظريا فقط.. ممكن ؟
ايه السطلة اللى انا فيها دى ..
عمرو فكرى:
ما هو الكلام ده(تعديل صفات البشر ) بيحصل فعليا بس كنوع من الرفاهية و غير مصرح بيه فى الغالب،عشان التجارب على البشر عليها شوية قيود..
وكمان لان التركيز الاكبر المفروض يبقى على علاج المليون مرض اللى مش لاقينلهم علاج لحد الان و بعد كدة نبقى نعدل براحتنا..
معلش أنا حاسس اني برخم شوية بس مش قصدي والله
بس العبارة دي:
"لما بيرتبطوا ببعض باحتمالات كتير بينتجوا عدد كبير لا نهائى من البروتينات و بالتالى الصفات.."
حرفية ولا مجازية؟
يعني فعلا عدد "لا نهائي", ولا عدد كبير جدًا و خلاص؟
و شكرًا ع الإطراء
:)
في النتظار الاجابة اللي حتيجي من برة
ياة.. حلفي أوروبا كلها عشان تجيبيها؟
ربنا يعينك
D:
كل ما اسأل حد يقولي اجابة شكل ..
بس المعلومة الاكيدة بقى:
انا اتلخبطت و قلت ان عدد الاحماض الامينية 300..
300 ده عددالاحماض الامينية الموجودة ككل و مش كلهم بيدخلوا فى تركيب البروتينات..
الاحماض الامينية المكونة للبروتين 20 حمض اميني منهم 10 اساسيين و 10 غير اساسيين..
و عدد البروتين فعلا لا نهائي او غير محدد..
الأحماض الأمينية عددها كبير جدا لكن 20 منهم فقط هو اللي يقدر يدخل في تكوين البروتين ( زي ما جيداء قالت )
لكن تصنيفهم كالتالي:
1- أحماض امينية اساسية: يعني الانسان مش بيقدر يصنعهم جوة جسمه ولااااازم يحصل عليهم من مصدر خارجي ( نبات أو حيوان)وعددهم 8 احماض امينية.
2- أحماض امينية شبه اساسية: وهي الاحماض اللي الانسان يقدر يصنعهم جواه لكن بكميات قليلة..ميقدرش الجسم يستفيد منها..علشان كدة لاااااازم برده يحصل عليها من مصدر خارجي وعددهم3 أحماض.
3- أحماض امينية غير اساسية: وهي الاحماض اللي الجسم بيقدر يصنعها وبكميات كبيرة وعلشان كده مش مهم نخدهم من بره وعددهم9 احماض.
ال20 حمض اميني بيترتبوا الواحد تلو الأخر علشان يكوّنوا البروتين..
والاختلاف من بروتين والتاني هو اختلاف ترتيب الاحماض المينية ورا بعض..
وبالتالي انت تقدر تلعب في ترتيب الاحماض ال20 زي ما انت عايز علشان تطلع البروتين اللي تحبه..
أما عن العدد فهي عملية حسابية لا أكثر ( اللي دارس احصاء ممكن يفيدنا)
يعني عندك عشرين حمض ..عدد البروتينات الناتجة هيكون عدد الترتيب الممكن لل20 حمض دول..
يا رب أكون عرفت أوصل حاجة..وأخيرا وليس أخرا..شكرا لجيداء على تقديمها للمعلومات الرائعة عن البيوتكنولوجي..
ربنا يكرمك بجد على المعلومات الجميلة و القيمة اللى أنتي أضفتيها للتدوينة، أنا ساعة لما كتبت المقالة دي مكنتش لسه درست كيمياء البروتينات و الإنزيمات..
كيمياء البروتين من الموضوعات الشيقة و الواسعة قوي زائد إن شغل البروتينات و ما يتعلق بها في الوقت الحالي يعتبر زي موضة علمية على مستوى العالم..
موال كبيييير جداا.. على كل حال سعيدة ان الاضافة فادتك..وأي سؤال أنا في الخدمة ^ ^
وبلاش تحرينا من المقالات الجميلة دي D:
إرسال تعليق
نريد آرائكم و اقتراحاتكم